Anëtari i Kuvendit Komunal të Prizrenit, nga radhët e partisë KDT, Cengiz Çesko ka kërkuar uljen e çmimit të biletave ose heqjen e tërësishme të pagesës për nxënës dhe pensionistë, gjatë udhëtimit me autobusë urban, shkruan “GazetaePrizrenit.net”.

Ai në mbledhjen e fundit të KK-së, kërkoi nga komuna që të veprojë në këtë drejtim, me qëllim të përkrahjes së këtyre kategorive të ndjeshme, sikur veprohet në shumë vende të Evropës.

“Çmimi i biletës është mirë të hiqet ose duhet të ulet në 30 cent për nxënës dhe pensionistë në autobusë urban”, ka thënë Çesko.

Ndryshe, çmimi aktual për një drejtim në autobusët urban që qarkullojnë në Prizren, pa dallim është  50 cent. /GazetaePrizrenit.net/