Katër anëtarë të Kryesisë së Degës së PDK-së në Prizren, të cilët ditë më parë dhanë dorëheqje nga të gjitha postet zyrtare të kësaj partie, pritet të kalojnë në Nisma, transmeton “GazetaePrizrenit.net”.

Anëtari i Kuvendit Komunal (KK) Shukri Quni, pastaj Naser Berisha, Sherif Krasniqi dhe Hajrim Qengaj, pritet që sot t’i  bashkohen Nismës Socialdemokrate (NS).

Këtë e konfirmuar për portalin “Gazeta e Prizrenit” kryetari i degës së NS në Prizren, Zafir Berisha.

Nga ata që pritet të aderojnë zyrtarisht e ka konfirmuar edhe Naser Berisha.

Nisma Socialdemokrate-Dega në Prizren, sot në orën 14:00 do të mbajë konferencë për shtyp, të parën e këtij viti, në të cilën është thënë se pos tjerash do të prezantohen edhe disa aderime të reja.

Me këtë rast në Prizrenit, pritet të jetë edhe kryetari i NS, Fatmir Limaj./GazetaePrizrenit.net