Ky reagim vjen pas rezultatit të dobët të Lirisë dje, kur ekipi prizrenas u mposht si vendas nga Trepça ’89 me rezultat 1:4. Nga pakënaqësia, tifogrupi prizrenas “Arpagjik’t” hodhi mjete piroteknike në fushë, duke bërë që ndeshja të ndërpritej disa herë.

 “FC Liria shpreh mirënjohjen më të thellë për përkushtimin, punën e palodhur, kontributin dhe profesionalizmin që trajneri Leci ka treguar gjatë gjithë periudhës së tij në klub. I urojmë suksese të shumta në të ardhmen, si në aspektin personal, ashtu edhe në karrierën profesionale. Në ditët në vijim, klubi do të njoftojë mbi hapat e mëtejshëm në drejtimin e skuadrës” – thuhet në njoftimin e klubit. /  Gazeta e Prizrenit