Ndërkaq, sot, klubi prizrenas ka gjetur pasardhësin e trajnerit italian, shkruan Zëri.

Përmes një njoftimi në faqen zyrtare të klubit në Facebook, është bërë e ditur se Erdogan Celina është pasardhësi i Annese.

Njoftimi i plotë i Lirisë:

“Nga mbledhja e KF Liria

Erdogan Celina, zgjidhet kryetrajner i Lirisë

Të dielën në mbrëmje, anëtarët e Bordit të KF Liria, me shumicë votash, zgjodhën për kryetrajner të ri të KF Liria, Erdogan Celinën.

Pas një debati të thellë mes anëtarëve të Bordit, ku opsion ishin tre emra: Gzim Hasi, Skender SHhnegyli e Erdogan Celina, shumicën e votave për të udhëhequr KF Liria, e mori Erdogan Celina.

‘Nesër (e hënë) Celina do të prezantohet para futbollistëve,që edhe do të udhëheq me stërvitjen’, ka thënë kryetari klubit, z.Ilijaz Ilijazi, që bashkë me anëtarë tjerë të Bordit, shfaqën besimin se klubi do të nxirret nga kjo situatë, ku objektiv është mbijetesa”.

Ndryshe, Liria bëri të ditur se përveç Celinës, edhe Gëzim Hasi dhe Skender Shengyli ishin kandidatë potencial./Zëri/