Numërimi i votave për deputetë është duke vazhduar, deri tani janë numëruar mbi 91% e votave.

Në faqen e Komisionit Zgjedhor të Kosovës janë vazhdimisht duke u publikuar të dhënat e reja për kandidatët për deputet të partive politike.

Në Lëvizjen Vetëvendosje në pesëshen e parë të deputetëve më të votuar janë, Albin Kurti, Glauk Konjufca, Albulena Haxhiu, Hekuran Murati dhe Donika Gërvalla.

Te Partia Demokratike e Kosovës, Bedri Hamza kryeson listën, pas tij janë Arian Tahiri, Përparim Gruda, Uran Ismaili dhe Sala Jashari.

Në listen e Lidhjes Demokratike të Kosovës të renditur janë: Lumir Abdixhiku, Hykmete Bajrami, Ukë Rugova, Avdullah Hoti dhe Doarsa Kica-Xhelili.

Ndërsa tek Aleanca për Ardhmërinë e Kosovës janë: Ramush Haradinaj, Daut Haradinaj, Besnik Tahiri, Bekë Berisha, Agim Çeku.