Mungesa e parkingjeve mbetet njëri nga problemet më të mëdha në Prizren.

Qytetarët çdo ditë irritohen nga parkimi i veturave vend e pa vend, si në trotuare, në mes të korsive, para dyqaneve, por edhe para shtëpive.

Situata bëhet më e vështirë, sidomos kur vijnë mërgimtarët. E krejt kjo shkaku i mungesës së parkingjeve.

Rreth 30 minuta iu deshën një bashkatdhetari të gjejë një parking për veturën e tij.

“ E kam parkuar veturën me pagesë në një shtëpi private”, tregon bashkatdhetari, Besnik Shala për RTK.

Drejtor i Shërbimeve Publike në Prizren,Çelë Lamaj, tregon se qyteti i ka rreth 700 vendparkingje.

“Në pranverë do të bëhet shenjëzimin i parkingjeve. Drejtoria e Shërbimeve Publike ka filluar hartimin e një statuti apo rregulloreje për formimin e një ndërmarrje publike, që në këtë rast të futen edhe parkingjet edhe banesat”, tha Lamaj.