Sot në moshën 84 vjecare ka ndërruar jetë Subhi Pasuli ish-kryetari i SHKA “Agimi” në Prizren,  transmeton Gazeta e Prizrenit.

Në një postim në profilin e tij në ‘facebook’, kryetari i Komunës së Prizrenit, Mytaher Haskuka ka vlerësuar se me këtë,  Prizreni ka humbur një personalitet të dalluar që ka kontribuar shumë në zhvillimin ekonomik dhe shoqëror të qytetit tonë.

“Pos punës së tij në zhvillimin ekonomik të qytetit si një ekonomist i dalluar, ai ka qenë edhe aktivist i shquar i jetës kulturore, sportive dhe shoqërore. Ndër aktivitetet e shumta në interesin publik ishte edhe detyra e tij si kryetar i SHKA “Agimi” ku shërbeu nga viti 1981 deri në vitin 2001. Më shumë se 20 vite si kryetar në periudhat më të vështira të kombit tonë, ai kontribuoi në sukseset e kësaj shoqërie kulturore dhe artistike. Si mirënjohje për kontributin e tij në sukseset e SHKA “Agimi” ai ishte zgjedhur edhe si “Kryetar Nderi” i kësaj shoqërie”, ka shkruar ai.

Haskuka u ka shprehur ngushëllime familjes, miqve dhe kolegëve të z.Subhi Pasuli!