Një rast i pazakontë është regjistruar mbrëmjen e 30 shtatorit në fshatin Gjonaj të Prizrenit, ku fusha e sportit e Shtëpisë së Kulturës është dëmtuar rëndë nga një person ende i paidentifikuar.

Siç mëson Sinjali, mirëmbajtësi i objektit, F. Jahaj, ka raportuar rastin në Polici, duke treguar se fusha e sportit ishte shkatërruar.

Pas verifikimit të kamerave të sigurisë, është konstatuar se një person kishte hyrë me automjet në stadium dhe kishte dëmtuar dyshemenë e terrenit, duke shkaktuar dëme të konsiderueshme.

Lexo edhe:

Publikohet videoklipi kushtuar atdhetarit nga Hasi, Hajdar S. Morina – një histori për qëndresën dhe sakrificën 

Vlera e dëmit për momentin nuk dihet, ndërsa autori mbetet ende i panjohur.

 

Lidhur me rastin është angazhuar njësiti i hetimeve rajonale dhe, në konsultim me Prokurorin Kujdestar, është iniciuar rasti “Asgjësim apo Dëmtim i pasurisë”, i cili do të trajtohet me prioritet, deri në identifikimin e autorit.

Spotet zgjedhore: