Sipas Drejtorisë së Shërbimeve Publike në këtë Komunë, rrugët janë të kalueshme në të gjitha vendbanimet, përkundër temperaturave të ulëta dhe reshjeve të vazhdueshme të borës.

‘’Kompania përgjegjëse për mirëmbajtjen e rrugëve dhe zyrtarët komunal, në vazhdimësi janë në terren duke i mbikqyrë rrugët. Po ashtu edhe në viset malore, apo në fshatrat e thella, si në fshatrat që shtrihen përgjatë maleve të Berishës dhe në fshatin Gollubovc, si fshati më i largët, rrugët janë të hapura dhe janë duke u mirëmbajtur në vazhdimësi’’, thuhet në njoftimin e Komunës së Malishevës.