Kosovarja Vlora Çitaku është konsideruar ambasadorja më me stil në Washington.

Revista prestigjioze News Growl i ka kushtuar një artikull ambasadores së Kosovës në Shtetet e Bashkuara, ku thuhet se ka pak diplomatë në Washington që i afrohen asaj për nga moda, transmeton Klan Kosova.

“E gjallë, magjepsëse dhe dinamike, Çitaku ka bërë një rrugë të gjatë që kur ka qenë si refugjate gjatë luftës që u zhvillua në Kosovë”.

“Ajo u emërua ambasadore e Kosovës në Shtetet e Bashkuara, në gusht të vitit 2015”.

Kjo revistë thekson se marrëdhëniet me SHBA-të janë veçanërisht të rëndësishme për kosovarët për shkak të intervenimit ushtarak gjatë luftës të vitit 1998-99, transmeton Klan Kosova.

“Nëse dikush do të më kishte thënë 18 vjet më parë, gjatë kohës kur unë isha refugjate, se një ditë unë do të bëhesha ambasadore, nuk do ta kisha imagjinuar se kjo mund të ndodhte me të vërtetë”./KlanKosova/