Një person ka telefonuar në Policinë në Prizren, duke i njoftuar se në shtëpinë e tij ka armatim.

Në fakt telefonata e tij erdhi pasi gjyshi i tha këtij të fundit të lajmërojë Policinë, teksa vet ai gjendet në spital për shkak të komplikimeve shëndetësore.

“Njësitë policore kanë dalë në vendin e ngjarjes ku ka gjetur dhe konfiskuar një armë AK-47 me dy karikatorë me 28 fishekë dhe pesë granata dore. Është njoftuar njësiti i EOD-së të cilët kanë tërhequr mjetet e dyshuara nga vendi i ngjarjes dhe bastisja ka përfunduar”, ka njoftuar Policia.