Çmimet e derivateve në Kosovë janë rritur përsëri. Pavarësisht se në fillim të vitit ishte paralajmëruar rënie e çmimeve të derivateve, muaji i dytë i këtij viti ka nisur me rritje të ndjeshme të naftës e benzinës.

Në disa pompa të derivateve çmimi i benzinës ka shkuar në 1.35 euro për litër, ndërsa çmimi i naftës në 1.33 për litër.

Çmimi i gazit ka shkuar deri në 81 cent për litër.

Indeksonline ka kontaktuar me të parin e naftëtarëve, Fadil Berjanin.

Ai e ka arsyetuar ngritjen e çmimeve me rritjet që kanë ndodhur në tregjet ndërkombëtare.

Pavarësisht se çmimet në shumë pompa janë më të larta, Berjani ka thënë se çmimet e benzinit sillat nga 1.25 deri në 1.32 dhe të dizelit nga 1.23 deri në 1,30.

“Çmimet e derivateve i përcakton Berza dhe organizata prodhuese OPEC. Çmimet janë rritën në të gjitha tregjet ndërkombëtare dhe normal që ka filluar të reflektojë edhe në Kosovë. Sot çmimet sillen për benz sillen nga 1.25 deri në 1.32 dhe dizell nga 1.23 deri në 1.30./Indeksonline/