Njohësi nga fusha e sigurisë, Drizan Shala ka reaguar pas videos së publikuar të një personi që shihet duke e grisur librin e shenjtë të myslimanëve, Kur’anin.

Shala përmes një postimi në rrjetin social, Facebook, shkroi se rasti duhet të hetohet pa emocione nga organet e sigurisë.

Kjo duhet të bëhet pasi sipas tij, në aspektin teorik lufta e shërbimeve inteligjente që përdorin besimin fetar për të përçarë një popull është një temë shumë e ndjeshme dhe komplekse, që ka ndodhur dhe ndodh edhe në kontekste moderne.