Përhapja e koronavirusit në shumë shtete në afërsi të Kosovës po rrezikon edhe vendin. Që nga java e kaluar infektologët thonë se vazhdimisht kanë pasur raste të dyshuara me këtë virus, shkruan sot Zëri.

Ndonëse në shumë shtete të afërta me vendin është përhapur koronavirusi, në Kosovë deri tani nuk është raportuar asnjë rast i prekur me të. Megjithatë, që nga java e kaluar vazhdimisht janë raportuar raste të dyshimta me këtë virus. Që nga data 8 shkurt rreth 36 persona janë dyshuar me koronavirus në vend, të cilët më pastaj rezultuan të jenë negativë ndaj tij.