Për sot ( e martë ) parashikohet mot me vranësira dhe intervale kthjellimesh, ku pritet kohë pas kohe të ketë reshje lokale bore, duke filluar që nga orët e para të 24-orëshit.

Fillimisht reshjet do të fillojnë në Rrafshin e Dukagjinit, e deri në mëngjes apo në pjesën e parë të ditës, pritet të shtrihen lokalisht edhe në zonat tjera.

Përpos reshjeve të borës, gjatë ditës mund të përzihen me ato të shiut apo në formë të shqotës.

Temperaturat minimale do të luhaten prej -3 deri në -1°C, ndërsa ato maksimale prej 2-7 °C.

Era do të fryjë nga kuadrati i veriut, e cila kohë pas kohe pritet të jetë e fuqishme, me shpejtësi prej 20-51 km/h! /MK