Të dielën parashikohet të mbajë mot me vranësira dhe intervale të shkurta me diell, ku pritet gjatë ditës të ketë reshje të pakta lokale shiu, kryesisht të përqëndruara në Rrafshin e Kosovës. Në zonat e larta malore reshje bore.

Intervalet më të gjata me diell parashihen në Rrafshin e Dukagjinit.

Era do të fryjë drejtimesh të ndryshme, me shpejtësi prej 4-21 km/h.

Temperaturat do të shënojnë ngritje, me minimale që do të lëvizin prej -1 deri në 2°C, ndërsa ato maksimale prej 4 deri në 8°C. /MK