Të hënën parashikohet mot me diell dhe vranësira, ku ka mundësi të ketë ndonjë reshje të izoluar shiu. Në mbrëmje vonë, pritet shtim i vranësirave dhe gradualisht rikthim i reshjeve të shiut, ndërsa në zonat malore reshje bore.

Era do të fryjë nga drejtimi i perëndimit dhe jugperëndimit, e cila herë pas here pritet të jetë mjaft e fuqishme, veçanërisht në rajonin e Gjakovës, me shpejtësi prej 15-55 km/h.

Temperaturat minimale do të luhaten prej -1 deri në 2°C dhe ato maksimale prej 9 deri në 13°C.