KB Bashkimin pësoi humbje në Superligën e Kosovës në basketboll. Prizrenasit janë mposhtur nga Trepça nikoqire me rezultat 67 : 84, shkruan Gazeta e Prizrenit.

Trepça ishte më e mirë që në çerekun e parë, duke e marrë epërsinë 20:11.

Për Bashkimin kjo është humbja e nëntë,  ndërsa i ka edhe katër fitore. Mbetet në pjesën e poshtme të tabelës.

Prizrenasit debutuan me trajnerin Alen Joncevski.

Për mitrovicasit kjo është fitorja e gjashtë rresht dhe Trepça udhëheq në tabelë me 24 pikë.

Në takimin e sotëm, çereku i dytë ishte më i baraspeshuar dhe u mbyll me rezultat 18:19, por mitrovicasit u rikthyen në çerekun e tretë dhe përsëri fituan 24:14.