Një përleshje fizike ka ndodhur në fshatin Atmaxhë të Prizrenit, ku tre personave iu është ofruar ndihmë mjekësore për shkak të lëndimeve.

Në raportin 24 orësh të Policisë, thuhet e rasti ndodhi dje, ndërsa dy persona janë dërguar në mbajtje policore, raporton Gazeta e Prizrenit.

 “Fsh. Atmaxhë, Prizren 15.04.2023 – 12:50. Janë arrestuar dy të dyshuar meshkuj kosovarë  të cilët pas një mosmarrëveshje me viktimën mashkull kosovar i cili ka qenë me automjet i shoqëruar me bashkëshorten e tij, janë konfrontuar fizikisht dhe te dyshuarve në ndihmë i janë bashkëngjitur edhe dy të dyshuar meshkuj familjar të tyre. Ndihmë mjekësore iu është ofruar viktimës, dëshmitares si dhe njërit prej te dyshuarve”, thuhet në raportin e PK-së.

Pas intervistimit dy prej të dyshuarve janë dërguar në mbajtje, ndërsa dy te dyshuarit tjerë janë liruar.