Një ngjarje e rëndë ka ndodhur sonte në Klinë, ku në afërsi të një restoranti u vra 23-vjeçari Fazli Hoxha dhe u plagosën dy vëllezërit e tij.

Sinjali mëson se deri më tani janë arrestuar pesë persona të dyshuar për këtë vrasje.

Sipas burimeve të Sinjalit i dyshuari kryesor është Agron Gashi nga fshati Sferkë.

Policia në vendin e ngjarjes ka sekuestruar gjësende të rrezikshme si thika, zinxhir, lopatë,  që për Prokurorinë flasin për një “pritë” klasike të organizuar nga të dyshuarit.

Siç mëson Sinjali, njëri nga vëllezërit e 23-vjeçari është plagosur me armë zjarri, ndërsa tjetri është plagosur me lopatë në kokë. Sipas burimeve të Sinjalit, viktimat kanë qenë për iftar në restorant me familje, kur u përballën me të dyshuarit.