Policia arreston të kërkuarin që dyshohet për tri vepra penale
Një ditë pasi kishte kërkuar ndihmë nga qytetarët për kapjen e tij, Policia e Kosovës ka arrestuar Ali Morinën nga Peja.
I dyshuari 27-vjeçar dyshohet për veprat penale hyrje në sistemet kompjuterike, kanosje dhe lëndim i lehtë trupor.
“Policia e Kosovës falë bashkëpunimit me qytetarë pas publikimit të fotos së personit të kërkuar, ka arritur të siguroj informacion lidhur me vendndodhjen e të kërkuarit dhe me datë 13.03.2021,është bërë arrestimi i tij nga hetuesit e stacionit policor Klinë”, thuhet në njoftimin policor.
I dyshuari është dërguar në ndalim policor për 48-orё.
