Prej sot futja në lokale me dëshmi të vaksinimit apo testit negativ
Sektorit të gastronomisë prej sot do t’i lejohet shfrytëzimi i hapësirave të brendshme.
E për të hyrë brenda, klientëve do të iu kërkohet dëshmia e vaksinimit kundër COVID-19, testi negativ apo ai serologjik.
Nga Ministria e Shëndetësisë thonë se verifikimi është i lejueshëm edhe përmes formës elektronike, përmes QR kodit.
Ky vendim i Qeverisë, po mirëpritet nga vetë gastronomët të cilët tashmë i kanë bërë përgatitjet e nevojshme.
E nga Agjensia e Ushqimit dhe Veterinarisë thonë se nuk do të kenë tolerancë për ato biznese që nuk i respektojnë masat.
