Njësia e Antidrogës në Policinë e Kosovës është duke realizuar një aksion në qytetin e Prizrenit.

Burimet e Sinjalit bëjnë me dije se aksioni po kryhet në lagjen Tusuz, ku pritet të kapet sasi e substancës së dyshuar narkotike dhe personat e dyshuar lidhur me rastin.

Kjo tashmë është konfirmuar edhe nga Policia e Kosovës.

Zëdhënësi i Policisë, Baki Kelani, tha për Sinjalin se operacioni policor ka për qëllim parandalimin dhe luftimin e trafikimit me narkotik dhe veprave tjera kriminale.

“Mund të konfirmojmë se Departamenti i Hetimeve përmes Drejtorisë për Hetimin e Trafikimit me Narkotik është duke e realizuar një operacion policor, në disa lokacione të rajonit të Prizrenit. Operacioni policor ka për qëllim parandalimin dhe luftimin e trafikimit me narkotik dhe veprave tjera kriminale”, tha Kelani.

Sinjali do të iu mbajë të informuar me detajet e reja lidhur me rastin.