Prizren: Arrestohet i dyshuari për sulm ndaj ekipit të Nacionales
Policia e Kosovës ka njoftuar se është arrestuar personi i cili sulmoi gazetarin Vullnet Krasniqi dhe kameramanin Arbër Latifi gjatë protestës kundër festivalit “DokuFest” në Prizren.
Këta të dy u sulmuan derisa po raportonin nga vendi i ngjarjes.
Zëdhënësi i Policisë së Kosovës për Rajonin e Prizrenit, Shaqir Bytyqi, ka treguar për se personi që sulmoi gazetarët është arrestuar, dhe po intervistohet.
“Lidhur me sulmin në fjalë, një person është identifikuar dhe është duke u intervistuar në polici”, ka thënë Bytyqi.
Ndërkohë sulmi u dënua edhe nga Asociacioni i Gazetarëve të Kosovës, të cilët e quajtën të papranueshëm, dhe rrezik ndaj sigurisë së gazetarëve.
