Policia e Kosovës, përmes njësiteve  relevante në Prizren,  sot ka zbatuar urdhrin verbal të gjyqtarit të procedurës paraprake,  me ç’rast në Rr.”Ismet Jashari“ në të qytetit,  ka kontrolluar një shtëpi banimi dhe ka arrestuar një person të dyshuar me inicialet  B. S., shkruan “GazetaePrizrenit.net”.

Në njoftimin për rastin, thuhet se gjatë bastisjes së shtëpisë në cilësi të provave materiale janë gjetur dhe sekuestruar:

Një  revole,

Një karikator,

Pesëdhjetë e dy (52) fishekë dhe,

Dy (2 ) antiplumba.

Me aktvendim të Prokurorisë Themelore në Prizren, i dyshuari është dërguar në ndalim policor.