Një person nga Prizreni, por që kërkohej nga organet e drejtësisë është arrestuar nga Policia, raporton Gazeta e Prizrenit.

Sipas raportit të Policisë arrestimi është bërë në rrugën “Wesli Klark”, në bazë të urdhëresës së lëshuar nga gjykata.

Nuk jepen detaje se për çfarë vepre ishte dënuar, por njoftohet se ai është dërguar në vuajtje të dënimit në Burgun e Prizrenit.

Nga raportet e Policisë,  del se brenda një dite janë arrestuar dy persona, ndaj të cilëve ka pasur urdhëresa nga gjykata. /GazetaePrizrenit. net/