Prizreni të premten do të organizojë ditën pa makina në qytet, në të cilën për tri orë janë paraparë të mbyllen dy rrugët kryesore: “Remzi Ademaj” dhe “Adem Jashari”, pasi aty do të ketë aktivitete të ndryshme sportive dhe kulturore, shkruan “GazetaePrizrenit.net”.

Referuar njoftimit të komunës, një pjesë e rrugës “Remzi Ademaj” dhe “Adem Jashari” do të jenë të bllokuara për automjete nga ora 10:00 deri 13:00.

Gjatë kësaj kohe ndër aktivitetet që parashihen në këto rrugë janë: çiklizmi, performanca dhe punimet artistike, basketboll, futboll dhe aktivitete tjera.

Njoftohet se veturat duhet të shfrytëzojnë rrugë të tjera alternative, ndër to atë “Faik Emrush” dhe “Fehmi Lladrovci”.