Përdorimi i drogës është bërë një dukuri që po vazhdon të rritet dita ditës në Kosovë, pasi pothuajse çdo ditë raportohet për raste kur të rinjtë kapen duke bërë shitblerje ose duke konsumuar drogë, raporton Gazeta Sinjali.

Një rast i tillë ka ndodhur në rrugën “Besim Shala” në Prizren, ku një i ri u ndalua nga Policia derisa ishte duke qarkulluar me skuter.

Sinjali mëson se njësia patrulluese ka qenë duke bërë kontrollë rutinë, me ç’rast është ndaluar 25-vjeçari i cili ishte duke qarkulluar me skuter pa targa.

Gjatë kontrollit, zyrtarët policorë kanë gjetur tek i riu një sasi të dyshuar me substancë narkotike.

Sipas informacioneve të para, 25-vjeçarit i janë gjetur para fallso: 3 copa nga 20 euro dhe 1 copë 10€, po ashtu 11 doza narkotike, pesha 10,34.

Sipas Kodit Penal të Kosovës, është e jashtëligjshme që qytetarët të blejnë, posedojnë apo shpërndajnë substanca narkotike dhe mund të dënohen me gjobë apo burgim, varësisht nga sasia dhe lloji i lëndës narkotike që iu kapet nga autoritetet e rendit./GazetaSinjali/