Zëdhënësi rajonal i Policisë së Prizrenit Shaqir Bytyqi tha për GeP se njësitë policore, së bashku me shefin e ndërrimit, kanë dalë menjëherë në vendin e ngjarjes, ku ekipi i emergjencës ka konstatuar vdekjen e të riut.
Prizren: Gjendet pa shenja jete një i ri
Një ngjarje e rëndë ka ndodhur sot në Prizren, ku një i ri është gjetur pa shenja jete në rrugën “Ukshin Hoti”, në një objekt në lagjen Arbana, afër pompës “Oferta”.
Rastin e ka konfirmuar Policia, raporton Gazeta e Prizrenit.
Në vendin e ngjarjes kanë dalë edhe hetuesit e Stacionit Policor të Prizrenit, hetimet rajonale si dhe njësitë e tjera relevante, të cilat kanë ndërmarrë të gjitha veprimet e nevojshme procedurale.
Ngjarja është raportuar rreth orës 12:40
Gazeta e Prizrenit ka mësuar se viktima Faruk Thaçi nga Mamusha dyshohet se ka tentuar të kryejë vetëvrasje, në objektin e tij afarist.
Lidhur me rastin është njoftuar Prokurori i Shtetit, i cili ka urdhëruar inicimin e rastit “Hetim i vdekjes”, ndërsa trupi i pajetë i viktimës është dërguar në Institutin e Mjekësisë Ligjore për obduksion.
Rrethanat e kësaj ngjarjeje tragjike mbeten nën hetim./ Gazeta e Prizrenit
