Persona të panjohur kanë thyer edhe një shtëpi në rrugën ‘Miftar Hasani’ në Prizren, ku kanë vjedhur stoli ari në vlerë të konsiderueshme parash.

Burimet e Gazetës Sinjali kanë bërë me dije se rastin e ka denoncuar pronarja e shtëpisë, e cila me t’u kthyer në shtëpi ka dëgjuar një zhurmë dhe më pas ka vërejtur se hajnat kanë demoluar dhomat e gjumit dhe kanë vjedhur stolitë e arit, që sipas saj kapin vlerën e rreth 13 mijë eurove.

Njësitë policore kanë dalë në vendin e ngjarjes, ku kanë kryer ekzaminimet e nevojshme që ndihmojnë në zbardhjen e rrethanave të rastit dhe identifikimin e personave të dyshuar.

Me urdhër të prokurorit, rasti është iniciuar ‘Vjedhje e rëndë’, ndërsa veprimet tjera ligjore do merren posa të kapen të dyshuarit./GS