U është caktuar masa e paraburgimit 11 personave të dyshuar për veprën penale të “kontrabandimit me migrantë” dhe “armëmbajtje pa leje”.

Siç ka njoftuar Gjykata Themelore në Prizren, paraburgimi ndaj 11 të dyshuarve do të zgjasë deri më 27 tetor.

Të dërguarit në paraburgim janë:

– B.Sh., (shtetas i Republikës së Kosovës )

– R.I., (shtetas i Republikës së Kosovës )

– M.V., (shtetas i Republikës së Kosovës )

– S.J., (shtetas i Republikës së Kosovës )

– S.G., (shtetas i Algjerisë)

– A.H., (shtetas i Sirisë)

– S.M., (shtetas i Sirisë)

– M.R., (shtetas i Sirisë), për shkak të dyshimit se ka kryer edhe veprën penale mbajtja në pronësi, kontroll ose posedim të paautorizuar të armëve

– H.H., (shtetas i Irakut)

– S.R., (shtetas i Palestinës) dhe

– A.B., (shtetas i Algjerisë)

Sipas gjykatës, që nga qershori e deri në shtator, disa persona të këtij grupi kanë marrë imigrantë nga Shqipëria duke i futur në Kosovë e duke i çuar në afërsi të pikës kufitare me Serbinë, në Jarinjë. Sipas dyshimeve, ata për këtë shërbim janë paguar me një shumë të caktuar të të hollave. Më 27 shtator, gjatë kontrollit në një hotel ku ata dyshohet se i mbanin migrantët para dërgimit në Jarinjë, ishin hasur 92 imigrantë, ndërsa duke u transportuar janë kapur mbi 30.