Policia në Prizren konfirmoi plagosjen e një personi, që ndodhi pasdite, raporton Gazeta e Prizrenit.

Sot, më datë 30.08.2025, rreth orës 18:00, Policia është njoftuar  për të shtëna me armë zjarri në rrugën “Ismet Jashari”.

Rreth orës 18:12, nga Emergjenca e Spitalit është njoftuar se një person kishte kërkuar ndihmë mjekësore si pasojë e plagosjes nga arma e zjarrit.

Zëdhënësi rajonal Policor, Shaqir Bytyçi, konfirmoi për Gazetën e Prizrenit, se viktima, Z.B., mashkull 29 vjeç, ka pësuar plagë në këmbën e majtë dhe sipas mjekut gjendja e tij është stabile.

“I dyshuari, V.S., mashkull 24 vjeç, me ftesë të Policisë është paraqitur në Stacionin Policor rreth orës 19:20”, tha ai për GeP.

Njësitë përkatëse policore kanë dalë menjëherë në vendngjarje dhe janë duke ndërmarrë të gjitha veprimet e nevojshme hetimore.

Lidhur me rastin, procedurat e mëtejshme po zhvillohen në koordinim me Prokurorin e Shtetit./ Gazeta e Prizrenit