Zjarri që ka kapluar një zonë të qytetit të Prizrenit, është përhapur edhe në pjesën e pishave dhe është në përmasa të mëdha, thonë nga Policia, raporton Gazeta Sinjali.

Togeri i Policisë së Kosovës në Prizren, Shaqir Bytyqi, tha për Sinjalin se gjendja është serioze dhe mund të paraqes rrezik për qarkullimin e automjeteve në rrugën Prizren – Reçan.

Sipas Bytyqit, pavarësisht tentativave të zjarrfikësve, zjarri nuk është lokalizuar ende.

“Ju informoje se zjarri i raportuar me heret në Prizren, nga i cili fillimisht jane djegur bar i thate dhe shkurre, tani zjarri ka kapluar edhe pjesen e pishave dhe eshte ne permasa me te medha dhe mund te paraqes rrezik per qarkullim te automjeteve ne rrugen Prizren- Reçan. Zjarrefiksit jane ne vend ngjarje por deri ne keto momente nuk kane mundur ta lokalizojne zjarrin. Per rastin jane informuar polici hetues si dhe prokurori i shtetit, i cili ka urdheruar te inicohet rast incident zjarri”, tha Bytyqi.