Një vetaksident trafiku,  ndodhi, sot rreth orës 05:00 të mëngjesit, në rrugën qendrore “Adem Jashari” në Prizren.

Rastin për Gazeten e Prizrenit e konfirmoi Shaqir Bytyqi, zëdhënësi i rajonal i Policisë, duke sqarurar se në aksident është përfshirë një veturë me tre persona brenda, ngasësi dhe dy pasagjerë të cilët kanë pësuar lëndime trupore.

Ngasësi ka marrë lëndimet më të rënda, por sipas informacioneve mjekësore, gjendja e tij nuk paraqet rrezik për jetën.

“Si pasojë e aksidentit, tre persona (ngasësi dhe dy pasagjerë) kanë pësuar lëndime trupore. Ngasësi ka marrë lëndime më të rënda, por sipas informacioneve mjekësore gjendja e tij nuk paraqet rrezik për jetë. Përveç lëndimeve trupore, aksidenti ka shkaktuar dëme të mëdha materiale si në automjetin e përfshirë, ashtu edhe në pronë private dhe publike”, tha Bytyqi.