Një vajzë gjatë trajtimit në Qendrën Klinike Universitare të Kosovës, gjatë pasdites së djeshme ka ndërruar jetë. Kështu ka bërë të ditur Policia e Kosovës në raportin 24 orësh.

Ndërkohë, rastin në Polici e kishte raportuar babai i viktimës, i cili ka deklaruar se dyshon që vajza e tij ka ndërruar jetë nga moskujdesi i duhur i mjekëve.

Se rasti po hetohet si “Vdekje e dyshimtë” e ka konfirmuar për Front Online zëdhënësja e Prokurorisë Themelore në Prishtinë, Laureta Ulaj.

Ulaj ka potencuar se me qellim të zbardhjes të rrethanave të kësaj vdekje “me urdhër te Prokurorit te Shtetit trupi i pajetë është dërguar ne IML për t’iu nënshtruar obduksionit, si dhe rasti është iniciuar për hetim “vdekje e dyshimtë”.

Sipas Policisë së Kosovës, gjatë 24 orëve të fundit në Kosovë janë regjistruar edhe dy vdekje tjera të dyshimta.