Nesër, Qeveria e Sllovenisë do të njoftojë përfundimin “administrativ” të epidemisë së koronavirusit pas plot 80 ditësh.

Në 24 orët e kaluara, Sllovenia nuk kishte asnjë të infektuar rishtazi në mesin e 613 mostrave të testuara, dhe për shkak të gjendjes së mirë epidemiologjike, përfundimi “administrativ” i epidemisë do të pasojë nesër, shkruajnë mediat sllovene.

Kjo do të thotë që vendosja e maskave ​​në ambiente të mbyllura nuk do të jetë më e detyrueshme dhe nuk do të trajtohet si shkelje e ligjit, por vetëm do të jetë “e rekomanduar”.

Kryeministri i Sllovenisë, Janez Jansha, tha se një situatë kaq e mirë epidemiologjike është më e mira në Evropë dhe se qeveria e tij do të vazhdojë të lehtësojë masat.

Javën tjetër do të vazhdojnë të hapen edhe universitetet.

Që nga rasti i parë, në Slloveni janë konfirmuar 1,473 të infektuar, 108 kanë vdekur, shumica prej të cilëve me sëmundje kronike. /Reporteri.net