Real Madridi është shpallur zyrtarisht kampion i La Liga.

Skuadra e drejtuar nga trajneri Zinedin Zidan është zyrtarisht kampione e La Ligës për herë të 34-t pas triumfit 2-1 ndaj Vijarealit në ndeshjen e javës së 37-të, që u luajt mbrëmjen e sotme.

Kujtojmë që ky trofe mungonte për Los Blancos që nga sezoni 2016-17.

Karim Benzema ishte heroi i sfidës së sotme duke realizuar dopietë në minutën e 29 dhe 77.

Fatkeqësisht titulli vjen në kohë pandemie ku tifozët madrilenë do të festojnë në shtëpitë e tyre dhe me të afërmit, pa pasur mundësinë që të dalin nëpër rrugë dhe nëpër sheshe apo vendgrumbullime.