Prizreni sikurse edhe pjesa më e madhe e vendit është zgjuar i zbardhur nga bora. Për dallim nga ditët e ngrohta të javës që përcollëm, sot ka pasur reshje bore dhe temperatura të ulëta, shkruan “GazetaePrizrenit.net”.

Reshjet e borës kanë nisur nga mbrëmja e së hënës për të vazhduar edhe mëngjesin e sotëm.

Tash kur kanë mbetur edhe disa ditë deri në fillimin e stinës së pranverës,  edhe sot paradite priten reshje të dobëta bore, që gjatë ditës do të pushojnë. Sipas meteorologëve, mbi vendin tonë sot do të jetë mot i vranët, pjesërisht me shi dhe borë, ndërsa në orët e mbrëmjes do të ketë kthjellime.

Temperatura më e ulët gjatë ditës së sotme do të jetë nga zero në tre dhe më e larta nga katër në jug deri në 10 gradë Celsius në veri./GazetaePrizrenit.net