Banorë të rrugës “Faredin Hoti” në Prizren, që ndodhet në lagjen “11 Marsi”,  janë ankuar për gjendjen e mjerueshme në të cilën ndodhet kjo rrugë, në të cilën disa herë janë kryer punime në rrjetin e ujësjellësi e kanalizimit, duke hapur e mbyllur trasenë,  dhe pastaj rruga nuk është kthyer në gjendjen e mëparshme.

Sipas njërit prej banorëve që ka dërguar edhe një video-incizim amator,  gjendja në këtë rrugë, që lidhë një numër të madh të banorëve, përkeqësohet edhe më tepër kur bie shi, sikur sonte, ndërsa atyre u duhet ta kalojnë nëpër gropa të mbushura me ujë e baltë.

Portali  “Gazeta e Prizrenit” ka shkruar edhe më parë për gjendjen e kësaj rruge.