Shqiptarët sërish kanë dalë në skenën për lëvizjen e mijëra ton kokainë nga Amerika Latine për Bashkimin Europian. Duke iu referuar mediave të huaja, ABC mëson se “bosi” i kokainës Daniel Joseph Kinahan ka bashkëpunuar ngushtë me një shqiptar për të furnizuar Bashkimin Europian me kokainë nga Amerika Latine. Përveç shqiptarit thuhet se Kinahan kishte bashkëpunim edhe me kreun e një bande serbe.

Dy bashkëpunëtorët e “Zotit” irlandez të drogës lidhen me bandat e tjera për t’u siguruar që “e bardha” të kalojë përmes porteve përpara se të shkojë në Mbretërinë e Bashkuar, Irlandë dhe gjetkë percjell abcnews.al. SHBA për Dubliner Kinahan ka vendosur shpërblim prej 5 milion dollarësh si dhe e ka sanskionuar bashkë me babain e tij Christy Snr dhe vëllain Christy Jnr.

Dyshohet se Kinahan fshihet në Dubai. 44 vjeçari, kishte krijuar një marrëdhënie me Dairo Antonio Usuga, i njohur më mirë si Otoniel, dhe kartelin e tij Gulf Clan në Kolumbi, i cili ishte furnizuesi kryesor i kartelit me narkotikë nga Amerika e Jugut.

Daniel Joseph Kinahan  është një bos bandash me reputacion irlandez dhe promovues boksi nga Dublini . Ai është emëruar nga Gjykata e Lartë e Irlandës si një figurë e lartë në krimin e organizuar në shkallë globale. /Gazeta e Prizrenit/

https://gazetaeprizrenit.net/