Në një familje në Prizren, një person dyshohet se ka ushtruar dhunë ndaj prindërve të tij.

Bazuar në dëshminë e prindërve dhënë organeve të hetuesisë, 15-vjeçari dyshohet se dje i ka kërcënuar me thikë nënën dhe babain pasi s’kanë pasur para për t’i dhënë.

Përballë kësaj situate, viktimat e kanë raportuar rastin në Polici dhe kanë shpjeguar detajet e asaj që ka ndodhur.

Ndërsa i dyshuari i cili është recidivist i dhunës në familje, është shpallur në kërkim policor, pasi menjëherë pas kryerjes së veprës është larguar në drejtim të panjohur.

Me urdhër të prokurorit, rasti është cilësuar ‘Dhunë në familje’, ndërsa veprimet tjera ligjore do merren posa të kapet i dyshuari./Gazeta Sinjali