Katër vetura janë vjedhur ditët e fundit në Obiliq, Podujevë e Lipjan.

Dy vetura u vodhën në Obiliq, në rrugën e njëjtë “Washington”, në të njëjtën datë (17.06.2023). Njëra në orët e para të mëngjesit (6:55), dhe tjetra vetëm pak më vonë, në orën 10:19. Për këto vjedhje të dyshuarit deri më tani ende nuk janë identifikuar, ndërsa rastet po vazhdojnë të hetohen.

Një rast i tillë ndodhi edhe në Lluzhan të Podujevës, për çka raportoi pak më parë Sinjali.

Pronari i veturës, një 27-vjeçar, ka raportuar në Polici se në mëngjesin e 4 qershorit e kishte parkuar veturën në fshatin Lluzhan, por të njëjtën nuk e ka gjetur aty kur ka shkuar pas 10 ditësh. I riu ka vendosur të kërkojë ndihmën e Policisë, duke e denoncuar rastin, me shpresën që do ta gjejnë automjetin e tij, Golf 2.

Edhe në Lipjan gjatë ditës së djeshme u krye një vjedhje e ngjashme, po ashtu në orët e para të mëngjesit, në rrugën “Sadik Shala”.