28-vjeçari ka qenë në Gjermani vetëm si turist, por më pas ka qëndruar më gjatë pa leje. Tani ai duhet të largohet menjëherë nga vendi.

Si pjesë e kontrollit të pasagjerëve të një autobusi në distanca të gjata nga punonjësit e grupit të kërkimit në kuadër të policisë rrugore Neu-Ulm, pasditen e së mërkurës në Leipheim, është kapur një 28-vjeçar shqiptar, transmeton albinfo.ch.

Ai është kontrolluar në autostradën A8, në zonën e pushimit në Leipheim, shkruan augsburger-allgemeine.de.

Shtetasi shqiptar nuk kishte vizën e nevojshme për qëndrim në Gjermani, ka raportuar policia. Për shkak të shkeljes së ligjit të qëndrimit, atij ju desh të paguante një depozitë sigurie dhe më pas të largohej menjëherë nga Gjermania.