Të dielën gjatë kohës sa kishte dalë për në skijim, një gjerman që quhet Patrik kishte humbur në Brezovicë. Pasi lajmi u bë i ditur, në kërkim të tij dolën disa ekipe e i njëjti u gjet katër orë më vonë.

Momentalisht gjendja e tij shëndetësore është e mirë.

“Personi në fjalë me kombësi gjermane, turist në bjeshkët e Sharrit, ishte duke bërë Ski-Touring ditën e djeshme dhe gjatë ditës kishte arritur që të ngjitet në majën e quajtur PeriBreg” thanë nga klubi alpinist Dardania për Express.

“Përderisa ai ishte ende aty, një mjegull e menjëhershme e ka kapluar majën dhe ai ka qenë i humbur pasi nuk e ka ditur nga të shkojë”, thanë atë.

Shpëtim për gjermanin ishte një numër i picerisë që ai e kishte ruajtur të cilin e kishte lajmëruar që kishte mbetur i ngujuar në majë të malit.

“Për fat te mire mjegulla është largu edhe ekipi e pare ka arrite që të e gjejë personin në fjalë dhe me pastaj të e kthejë poshtë në qendër të skijimit ku po qëndronte edhe ekipi komanduese në bashkëpunim edhe me Policinë e Kosovës. Në këto momente ekipi e dyte është urdheru që të kthehet prapa” u deklaruan ata.

Në fund, nga ky klub kanë bërë të ditur se personi është mirë dhe nuk ka pësuar asnjë lëndim./Express