Në këtë interval kohor, në vendin tonë janë shënuar 1 mijë e 765 raste të reja me Coronavirus.

Kjo situatë ka sjellë edhe angazhimin e shpejtë të institucioneve për të diskutuar në lidhje me situatën e krijuar.

Kryetari i Asociacionit të Komunave, Sazan Ibrahimi, pritet të takohet sot në ora 18:00 me Ministrin e Shëndetësisë, Arben Vitia për të diskutuar rreth situatës me Covid-19.

Lajmin e ka konfirmuar Ibrahimi në një prononcim për “Gazeta Blic”.

Në 24 orët e fundit janë regjistruar edhe pesë raste të vdekjes si dhe janë shëruar 121 qytetarë.