Studimi i fundit: Virusi është bërë në laborator
Virusi është krijuar në laborator dhe më pas është bërë përpjekje për të fshehur të vërtetën duke thënë se erdhi nga lakuriqet e natës.
Një studim i publikuar së fundmi hartuar prej dy shkencëtarëve njëri britanik dhe tjetri norvegjez konfirmon dyshimin e hedhur që në fillim të pandemisë së Covid-19 mund të mos kishte origjinë natyrale nga bota e kafshëve.
Angus Dagleish dhe Birger Sorensen prej një viti kanë studiuar origjinën e koronavirusit dhe kanë arritur në përfundimin se ai nuk ka asnjë paraardhës natyral nga i cili mund të ketë rrjedhur virusi që njohim sot. Studimi është publikuar ekskluzivisht në Daily Mail thotë se gjithçka nisi nga një përpjekje e shkencëtarëve kinezë për të krijuar një koronavirus më ngjitës dhe për të parë se si ai do të sillej te njerëzit.
Thuhet se studimi kinez i Wuhanit ka zgjatur gati 5 vjet dhe madje ka marrë edhe një ndihmë prej 600 mijë dollarësh nga Shtetet e Bashkuara. Ndihma u ndërpre gjatë presidencës së Barack Obamës. Daeglish dhe Sørensen kanë kërkuar edhe ndihmën e shkencëtarëve kinezë, por ata kanë refuzuar të bashkëpunojnë. Kohët e fundit ka një shtim të vëmendjes për të zbuluar origjinën e koronavirusit, gjë që ka shkaktuar përplasje të forta mes Shteteve të Bashkuara dhe Kinës.
