Vitin e kaluar nuk u mbajt, por këtë vit testit të arritshmërisë nxënësit e klasave të nënta do t’i nënshtrohen më 28 maj.

Në fakt, ai ishte planifikuar për datë 21 të këtij muaji, por me vendim të ministrisë u zhvendos për një javë më vonë.

Semimaturantët duhet t’u përmbahen masave antipandemike, ata duhet të respektojnë edhe rregullat e testit.

E shkollat, gjeneratën që do të hyjë në test po e përgatisin me mësime shtesë.

10 ditë pas datës 28 maj kur pritet të realizohet testi i arritshmërisë në të gjitha komunat e vendit do të shpallen edhe rezulatet.