Tollovi e madhe e maunave me mallra në pikën kufitare të Morinës, shkak bllokadat nga Serbia
Dhjetëra kamionë e maune po presin në Morinë për të hyrë në Kosovë. Në një video të siguruar nga IndeksOnline, shihet kolona e madhe e krijuar.
Në Doganën e Kosovës, thonë se ka rritje të fluksit, ndërsa disa nga shoferët që po presin ankohen për neglizhencë.
Zëdhënësi i Doganave, Adriatik Stavileci ka thënë se bëhet fjalë për rritje të fluksit të kamionëve e mauneve të cilët vijnë nga Shqipëria për në Kosovë.
Ndërsa pas bllokimit të hyrjes në Kosovë, të mallrave nga Serbia, është rritur ndjeshëm importi nga Shqipëria.
Kujtojmë se pas rrëmbimit të tre policëve kufitar nga ana e Serbisë, në pikat kufitare të Kosovës nuk po lejohen të hyjnë mallrat serbe./IndeksOnoine/
