Kandidati për deputet nga VV-Guxo, Luan Gacaferi, po vazhdon të jetë në qendër të vëmendjes, pas postimit ku i gëzohej lajmit për përkeqësimin e gjendjes shëndetësore të ish-presidentit Hashim Thaçi.

Ani pse pak orë pas postimit, Gacaferi tentoi ta mohonte se i ishte gëzuar sëmundjes së Thaçit, like-t në komentet e personave të tjerë në postimin e tij e thonë të kundërtën.

Gacaferi ka eskaluar edhe në tallje duke pëlqyer komentet ku thuhet se krerët e UÇK-së duhet të dënohen me burg të përjetshëm.

Ai ka pëlqyer edhe komente të tjera, ku thuhet “Çka vjen prej zotit (edhe prej Gjykatës), mirë se ardhtë”, “Tri herë në ditë bukë, me punu jo, zgate Zit sefanë, “Tradhtarë të kombit”.