Presidenti amerikan Donald Trump ka deklaruar se rrëzimi i presidentit rus Vladimir Putin është “shumë i thjeshtë” dhe varet nga çmimi i naftës.

Sipas tij, nëse çmimi i naftës bie, Putini do të detyrohet të dorëzohet dhe të largohet nga lufta në Ukrainë.

Trump kritikoi vendet evropiane që vazhdojnë të blejnë naftë nga Rusia, duke thënë se “nuk mund ta bëni këtë” dhe se ai është “i gatshëm të bëjë gjëra të tjera, por jo kur njerëzit për të cilët po luftoj po blejnë naftë nga Rusia”, raporton Skynews.

“Njëherë kur çmimi i naftës bie, shumë thjesht, Rusia do të përfundojë konfliktin,” theksoi Trump, duke shtuar se lufta në Ukrainë do të marrë fund nëse të gjitha vendet e NATO-s ndalojnë blerjet e naftës ruse.

Sipas Qendrës për Kërkimin mbi Energjinë dhe Ajrin e Pastër, Turqia është blerësi i tretë më i madh i naftës ruse pas Kinës dhe Indisë, ndërsa edhe Hungaria dhe Sllovakia vazhdojnë furnizimet nga Moska.